افغان امنيتي ځواکونو په کندوز کې د طالبانو بيړه غرقه کړې

طالبانو بیګا نیمه شپه د قندوز ولایت په مرکز قندوز ښار باندې له دریو اړخونو حمله وکړه او یوشمیر غیرپوځي کسان او بیماران یې نیولې دي وو

پر کندز د طالبانو د برید پر وړاندې خاصو امنیتي ځواکونو،
 ملي اردو، ملي پولیسو او هوایې ځواکونو ګډ عملیات کړي.

په دې عملیاتو کې امنیتي ځواکونو د طالبانو برید مات کړی او دوی ته یې درنه مرګ ژوبله اړولې ده.

د ملي دفاع وزارت مرستیال ویاند فواد امان وایي، نویو مرستندیه ځواکونو چې تازه کندز ښار ته رسېدلي، د طالبانو برید پرشا تمبولی او تر دې دمه د دې ډلې ۳۶ تنه وژل شوي دي.

ښاغلی امان وایي، په وژل شوو کې د طالبانو دسرې قطعې یو قومندان “کامل” هم موجود دی. 

بل خوا د ملي امنیت ریاست وایي، د غوڅ ملاتړ ځواکونو د طالبانو پر یو ټولي چې د دریمې ناحیې د “کوته گرد” په سیمه کې راټول وو هوایې برید کړی او ۲۵ تنه یې پکې وژلي دي.

په همدې وخت کې د کندز ولایت په کاساني سیمه کې د افغان هوایې ځواکونو په برید کې ۷ تنه وژل شوي دي.

سرچینې وایې طالبانو چې غوښتل یې د کندز د ولایت مقام ته نږدې د ملي اردو پر بیس برید وکړي، د امنیتي ځاکونو له لوري کلابند شوي او ۳۲ تنه یې امنیتي ځواکونو ته تسلیم شوي دي

اړوندې ليکنې د ليکوال نورې ليکنې

تبصره وليکئ

This site uses Akismet to reduce spam. Learn how your comment data is processed.