دقطر سفیر مصر ته بیرته ورستون شوی دی

په قاهرې کښې د قطر سفیر سیف بن مقدم البوعینین په عربو اتحادیې کښې دفعالیت لپاره مصر ته ورستون شوی .

هغه دکویت له لارې دمصر دپلازمینې قاهرې هوایی ډګر ته ورسید چې په عربو اتحادیې کښې د قطر داستازی په توګه فعالیت ته دوام ورکړی .

دقطر سفیر سیف بن مقدم البوعینین دهغو بندیزونو په وجه چې دبهرنیو چارو وزارت دقطر پرضد لګولی وو دجون په اومه(۷) نیټه له قاهرې تللی وو .

دغه راز دقطر رسندویو د دوحې پرضد د عربستان د فیصلو په باره کښې د سعودی عربستان دمفتی څرګندونو ته په غبرګون کښې د عربستان دعلماو پلاوی منافق وباله .

دسعودی عربستان مفتی او ددغه هیواد دکبار دعلماو دپلاوی مشر په تیرې یکشنبې ورځ ویلی وو هغه فیصلې چې سعودی عربستان او یوشمیر نورو هیوادونو د قطر پرضد  ترسره کړی وې د مسلمانانو او دقطر دخلکو د   راتلونکو ګټو لپاره دی .

د الرایه ورځپاڼې په شمول د قطر رسنیو  د دوحې په باره کښې د سعودی عربستان د مفتی عبدالعزیز بن عبدالله ال الشیخ څرګندونو ته غبرګون وښود او د عربستان د کبار دعلماو دغړیو څرګندونې یې له منافقت ډکې وبللې .

دغه راز د قطر د سمندرې بیړیو د برخې چارواکو وویل دخپل  د ضرورت وړ د اساسی شیانو دواردولو او د سعودی عربستان له بایکاټونو سره د مقابلې لپاره یې دشیانو نیغ په  نیغه ډول د واردولو لپاره دهندوستان له بندرونو سره نیغ په نیغه دکشتیو سرویس پیل کړی .

د قطر د ارتباطاتو او دټرانسپورټ وزارت وویل دسمندری کشتیو دغه سرویس به ددوحې دضرورت وړ ډول ډول اساسی شیان تامین کړی او د هند بار وړونکی کشتۍ په هند کښې له ماندرا او ناواچپوا بندرونو څخه نیغ په نیغ ډول دقطر حمد بندر ته ورځی .

اړوندې ليکنې د ليکوال نورې ليکنې

تبصره وليکئ

This site uses Akismet to reduce spam. Learn how your comment data is processed.