د بريکس هيوادونو غونډه, په افغانستان کې ترهګرۍ پېښې وغندلې, په سولې يې ټينګار وکړ

د چین اوهندوستان په شمول د برېکس هېوادونو سازمان په افغانستان کې د ترهګرۍ وروستۍ پېښې غندلي او پر سولې یې ټینګار کړی دی.

برېکس د مخ پر ودې هېوادونو تنظیم  دې چې چین، هندوستان، روسیه، برازیل او جنوبی  افریقا یې غړیتوب لري او په ۲۰۱۰ م کال کې جوړ شوی دی.

د دغه سازمان نهمه سرمشریزه غونډه د چین د فیجیان ایالت په زیامین ښار کې جوړه شوه چې په کې د یادو هېوادونو مشرانو برخه اخیستې.

دوی د نورو دلچسپۍ وړ مسایلو ترڅنګ د افغانستان پر سولې او امنیت هم خبرې وکړې او وروستي ترهګریز بریدونه یې په کلکه وغندل.

د دغې غونډې په پای کې یوه اعلامیه خپره شوې چې په کې دافغان جګړې او تاوتریخوالي د ختمولو غوښتنه شوې ده.

سرچینې زیاته کړې موږ له افغانانوسره د سولې او ثبات لپاره اوږه په اوږه ولاړ یو.

د برېکس سازمان دغه راز دافغانستان اوافغانانو په مشرۍ دسولې او پخلاینې د پروسې او په دې برخه کې د نړیوالو هلو ځلو ملاتړ کړی دی.

دغه راز ياد سازمان دافغانستان په اړه د مسکو د غونډو، داستانبول پروسې، د اسیازړه کنفرانس او نورو هغو هڅوملاتړ کړی چې دافغان سولې لپاره تر سره کیږي.

اړوندې ليکنې د ليکوال نورې ليکنې

تبصره وليکئ

This site uses Akismet to reduce spam. Learn how your comment data is processed.