د پاکستان د بهرنيو چارو وزارت د امريکه سره هوايی او ځمکني اړيکو پرې کولو غوښتنه وکړه

د پاکستان د بهرنیو چارو وزیر پر خپل هیواد د امریکې د ۲۵۵ میلیون ډالري مرستې د ځنډیدو د اجرايي کولو په موخه د امریکې خارجه وزارت د چارواکو له څرګندونو وروسته له واشنګټن سره د هوايي او ځمکنیو ارتباطاتو د غوڅیدو غوښتنه وکړه.

په افغانستان کښې د امریکې د ولسمشر ډونلډ ټرمپ د نوې سټراټیجۍ له اعلان او ترهګرو ډلو ته په پناه ورکولو د پاکستان له تورنولو وروسته د امریکې د بهرنیو چارو د وزارت چارواکو وویل: واشنګټن به د ټرمپ د غوښتنو تر پوره کیدو پورې له اسلام آباد سره د ۲۵۵ میلیون ډالرو مالي او پوځي مرسته وځنډوي.

د امریکې د خارجه وزارت د چارواکو د څرګندونو په غبرګون کښې د پاکستان د بهرنیو چارو وزیر خواجه محمد آصف د خپل هیواد له حکومته وغوښتل چې پاکستان ته د امریکايي چارواکو سفرونه وځنډوي او له امریکې سره ټولې هوايي او ځمکنۍ اړیکې هم بندې کړي.

دې ته په پام سره چې په افغانستان کښې د بهرنیو ځواکونو د تدارکاتو لاره د پاکستان له خاورې یا د دغه هیواد له هوايي حریمه تیریږي، پاکستاني چارواکي د امریکې د اقدام په غبرګون کښې افغانستان ته د تدارکاتو د لیږلو او برابرولو په بهیر کښې یولړ ستونزې رامینځته کولی شي.

د افغانستان لپاره د امریکې د نوې سټراټیجۍ په اعلان کښې د ټرمپ پاکستاني ضد څرګندونو د دغه هیواد د خلکو او چارواکو بې مخینې قهر راپارولی تر دې چې د پاکستان د بهرنیو چارو وزیر واشنګټن ته د سفر لپاره د خپل امریکايي همرتبه بلنه رد کړه او پاکستان، اسلام آباد ته د افغانستان او پاکستان لپاره د امریکې د ځانګړي استازي د تګ مخنیوی وکړ.

اړوندې ليکنې د ليکوال نورې ليکنې

تبصره وليکئ

This site uses Akismet to reduce spam. Learn how your comment data is processed.