هيڅ يو هيواد د افغانستان او هند د اړيکو لپاره حد نشي ټاکلی, ډاکټر عبدالله عبدالله

د افغانستان د ملي وحدت حکومت د اجرایی شورا مشر وویل : هیڅ یو هیواد  له  هند سره د کابل د اړیکو لپاره حد نه شي ټاکلی.

 عبدالله عبدالله نن  په نوي ډیلي کې د پانګه ونې په یوه غونډه کې وویل ک د ګډو ګواښونو په وړاندې د ایران او هند امنیتي ملګرتیاوې به جاري وي  او د کابل دولت  له نوي ډیلي سره په اړیکو کې هیڅ حد او پوله نه مني.

 هغه زیاته کړه د کابل او نوي ډیلي نزدې اړیکې  په افغانستان کې د ثبات او امنیت سبب کیږي او د هیڅ کوم هیواد په تاوان نه دي.

عبدالله عبدالله  د افغانستان په کورنیو چارو کې د پاکستان لاسوهنو ته په اشارې سره وویل : د کابل خلک هیڅ هیواد ته اجازه نه  ورکوي چې د دغه هیواد په بهرني سیاست کې دخالت وکړي  او له یو هیواد سره د دوستۍ اړیکې له نورو هیوادونو  سره د اړیکو د غوڅولو په معنا نه دي.

هغه زیاته کړه افغانستان هیڅ هیواد نه ګواښي خو که یو هیواد  وغواړي له نورو هیوادونو سره د افغانستان د اړیکو په هکله ځانته د ویټو حق ورکړي  د افغانستان خلک د دې اجازه نه ورکوي.

 څو ورځې مخکې د پاکستان خارجه وزارت اعلان کړی و چې  هند باید د افغانستان په چارو کې  سیاسي او پوځي رول ونه لري او پاکستان دا نه شي زغملی.

اړوندې ليکنې د ليکوال نورې ليکنې

تبصره وليکئ

This site uses Akismet to reduce spam. Learn how your comment data is processed.